ABŞ: "Rusiyanın Ukraynaya qoşun yeritməsi "ağır səhv" olardı"
Ukrayna prezidentinin ölkənin şərqindəki Xarkov şəhərinə getdiyi barədə xəbərlər var. Xarkov Yanukovych-in tərəfdarlarının ən çox olduğu şəhərdir. Ölkə parlamenti və Daxili İşlər Nazirliyinə müxalifətçilər rəhbərlik edirlər.
Fevralın 22-də gecə Ukrayna prezidenti Viktor Yanukovych paytaxt Kiyevi tərk edib. O, Xarkov şəhərindədir.
Kiyevdə şəhərə nəzarət tam müxalifətçilərin əlinə keçib. Parlamentə və Daxili İşlər Nazirliyinə artıq müxalifətçilər rəhbərlik edirlər.
Son bir neçə gündə Kiyevdə müxalifət fəalları ilə təhlükəsizlik qüvvələri arasında toqquşmalarda müxtəlif mənbələrin məlumatına görə 70-lə 100 nəfər arasında adam həlak olub, 500 nəfər yaxın da yaralı var.
3 ay əvvəl Ukraynanın Avropa Birliyi ilə daha sıx inteqrasiyasını tələb müxalifətin başladığı etiraz aksiyasının prezidentin paytaxtı tərk etməsi ilə nəticələnən son günlərinin tarixçəsini AzadliqRadiosunun canlı blokunda izlə.
PARLAMENT TYMOSHENKO-NUN AZADLIĞA BURAXILMASINA SƏS VERDİ
Ukrayna parlamenti Yulia Tymoshenkonun həbsdən buraxılmasına səs verib.
Keçmiş baş nazir Timoshenko Rusiya ilə qaz sazişi bağlayarkən səlahiyyətlərini aşmaqda ittiham olunaraq həbs cəzası alıb.
Avropa Birliyi onu azad etməyə çağırsa da prezident Yanukovich bu çağırışları rədd edirdi.
Ukraynanın keçmiş Baş naziri Yulia Tymoshenko 2005-ci ilin Narıncı İnqilabından bəri bu ölkənin siyasətində ən fəal fiqurlardandır. Hökumətə rəhbərlik etdiyi illərdə Rusiya ilə bağlanmış qaz sazişlərində səlahiyyətlərini aşmaq ittihamı ilə 2011-ci ilin avqustunda həbs olunaraq 7 il müddətinə azadlıqdan məhrum edilib.
Ukrayna parlamenti bu gün - fevralın 21-də onun ittiham edildiyi maddənin cinayət sayılmaması barədə qərar çıxarıb. Yəni, artıq keçmiş Baş nazir cinayətkar sayıla və deməli həbsdə saxlana bilməz. konkret nə vaxt həbsxanadan buraxılacağı hələ aydın deyil. Yulia Tymoshenko-nun həyatının müxtəlif vaxtlarında çəkilmiş fotolarını təqdim edirik:
Fotoqalereya
Yulia Tymoshenko fotolarda
Ukraynanın keçmiş Baş naziri Yulia Tymoshenko 2005-ci ilin Narıncı İnqilabından bəri bu ölkənin siyasətində ən fəal fiqurlardandır. Hökumətə rəhbərlik etdiyi illərdə Rusiya ilə bağlanmış qaz sazişlərində səlahiyyətlərini aşmaq ittihamı ilə 2011-ci ilin avqustunda həbs olunaraq 7 il müddətinə azadlıqdan məhrum edilib. Ukrayna parlamenti bu gün - fevralın 21-də onun ittiham edildiyi maddənin cinayət sayılmaması barədə qərar çıxarıb. Yəni, artıq keçmiş Baş nazir cinayətkar sayıla və deməli həbsdə saxlana bilməz. konkret nə vaxt həbsxanadan buraxılacağı hələ aydın deyil. Yulia Tymoshenko-nun həyatının müxtəlif vaxtlarında çəkilmiş fotolarını təqdim edirik.
23:3121.2.2014
Kiyevdəki qanlı hadisələri beynəlxalq təhqiqat qrupu araşdıracaq
Bunu müxalifət liderlərindən olan Arseniy Yatsenyuk deyib. "Heç kəs ədalət mühakiməsindən qaça bilməyəcək. Dinc insanları öldürənlər cəzasına çatacaqlar" - deyə o qeyd edib.
Jurnalistlər ona prezident Yanukovych-lə əldə edilmiş razılaşma barədə də sual veriblər. Soruşublar ki, bu razılaşma Yanukovych-in vəzifədən gedəndən sonra məsuliyyətə cəlb olunmayacağına təminat verirmi?
Yatsenyuk bu suala belə cavab verib:
"İmzalanan sənəddə hazırkı prezidentin məsuliyyətə cəlb edilməyəcəyinə təminat verən maddə yoxdur, ola da bilməz".
00:1722.2.2014
Ağ Ev hesab edir ki, Ukraynada razılaşma pozulsa, yeni zorakılıq baş verə bilər
Ağ evin sözçüsü Jay Carney Ukraynada müxalifətlə hökumət arasında imzalanmış razılaşmaya münasibət bildirib.
O bildirib ki, indi ABŞ bütün diqqətini avropalı tərəfdaşları, eləcə də Ukrayna hökuməti, müxalifəti ilə birgə çalışaraq razılaşmanın həyata keçirilməsinə yönəldib.
Carney deyib ki, son zorakılıqlara görə məsuliyyət daşıyanlara qarşı sanksiyaların tətbiqi mümkünlüyü gündəmdən çıxmayıb. Xüsusən də əgər imzalanmış razılaşma pozularsa və yenidən zorakılıq baş verərsə.
Xəbər verildiyi kimi, Rusiyanın nümayəndəsi sözügedən razılaşmaya etiraz edib.
Ağ evin sözçüsü isə deyir ki, əslində Ukraynanın - Kiyevdə, yaxud başqa yerlərdə - zorakılıq girdabına yuvarlanmaması Rusiyanın da mənafeyinə uyğundur. Sabitliyə qayıdış Ukrayna xalqının iradəsini əks etdirir.
ABŞ Dövlət Departamenti deyir ki, Ukrayna prezidenti Viktor Yanukovych Kiyevi tərk edərək "görüş keçirmək üçün" ölkənin şərqindəki Xarkov şəhərinə yollanıb.
Xarkov prezidentin tərəfdarlarının ən çox olduğu şəhərlərdəndir.
Bundan az əvvəl radikal mövqeli müxalifət qüvvələri Yanukovych-ə fevralın 22-sinə (Bakı vaxtilə 12 00-a qədər) vaxt veriblər ki, istefaya getsin.
Əks halda prezident sarayına hücum edəcəkləri barədə xəbərdarlıq ediblər.
Müxalifətin radikal qanadı hökumətlə müxalifət arasında imzalanan və dekabrda növbədənkənar seçkilərin keçirilməsini nəzərdə tutan razılaşmanı rədd ediblər. Bunun xeyli uzun müddət olduğunu deyiblər.
Müstəqillik Meydanında qarşıdurmada həlak olan müxalifət fəalları ilə vida mərasimindən görüntülər:
