-
«Park Bulvar» ticarət və əyləncə mərkəzində ««Bakı-2015» gənc karikaturaçıların gözü ilə» sərgisi keçirilib.
Bakı şəhər Mədəniyyət və Turizm İdarəsinin yaydığı xəbərə görə, sərgidə 15 gənc karikaturaçının 40-a yaxın əsəri nümayiş olunur.
Bakıda keçiriləcək birinci Avropa Oyunlarına olan maraq müxtəlif mövzulu karikaturalarda da öz əksini tapıb.
Gənc rəssamlar bu tədbirlə birinci Avropa Oyunlarının təbliğinə qoşulduqlarını bildiriblər.
İlk Avropa Oyunlarının keçirilməsi barədə qərar 2012-ci il dekabrın 8-də Romada baş tutmuş Avropa Olimpiya Komitəsinin 41-ci Baş Assambleyasında qəbul edilib.
İlk Avropa Oyunlarında Avropanın 49 ölkəsindən 7-15 min idmançının iştirakı gözlənilir.
Avropa Oyunlarının rəsmi açılış mərasiminin 65 min tamaşaçı yeri olacaq Böyükşor gölünün yanında inşa edilən Bakı Olimpiya Stadionunda keçirilməsi nəzərdə tutulur.
