Elnur Hüseynov bu gün Eurovision səhnəsinə çıxır
Bu mərhələdən sonra Azərbaycanın finala çıxıb-çıxmaması məlum olacaq
Mayın 21-də Azərbaycanı “Eurovision 2015” manhı yarışmasında təmsil edən Elnur Hüseynov ikinci yarımfinal mərhələsində səhnəyə çıxacaq.
Elnur Hüseynov “Hour of the Wolf” mahnısını ifa edəcək.
İkinci yarımfinalda ölkələr bu ardıcıllıqla çıxış edəcək: Litva, İrlandiya, San Marino, Monteneqro, Malta, Norveç, Portuqaliya, Çex Respublikası, İsrail, Latviya, Azərbaycan, İslandiya, İsveç, İsveçrə, Kipr, Sloveniya və Polşa.
Mayın 19-da keçirilən ilk yarımfinal mərhələsində 15 ölkənin təmsilçisi çıxış etmişdi. Səsvermədən sonra isə Albaniya, Ermənistan, Rusiya, Ruminiya, Macarıstan, Yunanıstan, Estoniya, Gürcüstan, Serbiya, Belçika final mərhələsinə keçib.
Ölkələrin finaldakı iştirak ardıcıllığı isə yarımfinalların nəticəsi məlum olandan sonra müəyyənləşəcək.
Müsabiqəyə ev sahibliyi edəcək Avstriya təşkilatçıların qərarına görə, finalda 14-cü çıxış edəcək.
Final mayın 23-də baş tutacaq.
Qalınlığı 1 mm olan televizor
LG şirkəti OLED texnologiyası ilə hazırlanmış, qalınlığı 1 mm-dən az olan televizoru nümayiş etdirib. Bu barədə «The Korea Times» yazır.
Qurğu Seulda keçirilmiş sənaye sərgisində təqdim edilib. 55-düyməlik cihazın qalınlığı 0.97 mm, çəkisi 1,9 kq-dır.
Modelin kütləvi istehsalına nə vaxt başlanılacağı açıqlanmayıb.
Ermənistan və Belarus Şərq Tərəfdaşlığı sammitinin yekun kommunikesini imzalamaqdan imtina edir
Ermənistan və Belarus Riqadakı “Şərq tərəfdaşlığı” sammitinin yekun kommünikesini imzalamaqdan imtina ediblər. Bu, sənəddə “Krımın anneksiyası” ifadəsinin işlənməsi ilə bağlıdır. Bu barədə Reuters sənədin mətninin müzakirəsində iştirak edən avropalı diplomatlara isnadən bildirib.
Mənbənin sözlərinə görə, danışıqlar “asan” olmayıb. Ermənistan və Belarus bildiriblər ki, əgər “Krımın anneksiyası” haqda söhbət gedərsə sənədi imzalamayacaqlar. Mənbənin dediyinə görə, Aİ diplomatları mətnin kompromis variantını hazırlamağa məcbur olublar.
Agentliyin məlumatına görə, yekun sənəddə Aİ-nin Krımın Rusiyaya birləşdirilməsini pisləməsi əksini tapmalıdır, həmçinin 2014-cü ilin martında BMT-də səsvermə zamanı digər iştirakçı ölkələrin tutduğu mövqe xatırlanacaq. O zaman Ermənistan və Belarus Moskvanın mövqeyni dəstəkləmişdi.
Mayın 21-də Riqada “Şərq tərəfdaşlğı” sammiti başlanır. Tədbirdə Aİ nümayəndələri, həmçinin keçmiş SSRİ-nin altı ölkəsi – Azərbaycan, Ukrayna, Gürcüstan, Moldova, Ermənistan və Belarus təmsilçiləri iştirak edəcəklər.
Cümə günü sammitin yekunlarına əsasən birgə yekun kommünike qəbul olunmalıdır. Artq bu gün sammit iştirakçıları sənəd layihəsini müzakirə edəcəklər. Rusiya XİN nümayəndəsi Aleksandr Lukaşeviç bundan öncə bildirib ki, Moskva sammiti diqqətlə izləyəcək, çünki “tərəfdaşlıq açıq ifadə olunmuş antirusiya istiqaməti alıb”.
Merkel hamını başa düşür və hörmət edir
Avropa İttifaqı “Şərq tərəfdaşlığı” proqramının iştirakçılarının Aİ ilə əməkdaşlığı saxlamaqla öz inkişaf yollarını axtarmaq hüququna hörmətlə yanaşır. Bunu Almaniya kansleri Angela Merkel Riqa sammiti ərəfəsi bildirib.
“Biz Aİ ilə intensiv danışıqlarla yanaşı Rusiya, Avrasiya İqtisadi Birliyi ilə daha sıx əməkdaşlıq axtaran Ermənistanın qərarına hörmətlə yanaşırıq. Biz həmçinin hələlik Aİ üzvlüyünə yollar aramayan və Avrasiya İqtisadi Birliyində öz rolunu görməyən Azərbaycanın da mövqeynə hörmətlə yanaşırıq. Biz eyni zamanda məlum ziddiyyətlərə baxmayaraq, Belarus ilə ikitərəfli əməkdaşlığı davam etdirməyə hazırıq”.
“Şərq tərəfdaşlığı” proqramı Aİ-nin Azərbaycan, Gürcüstan, Ermənistan, Ukrayna, Moldova və Belarusla siyasi assosiasiyasını və iqtisadi inteqrasiyasını nəzərdə tutur.
Gürcüstan, Moldova, Ukrayna ötən il Aİ ilə assosiativ tərəfdaşlıq haqqında saziş imzalayıblar