Potoçarı xatirə mərkəzində, Srebrenitsada qanlı divanın daha 465 qurbanının qalıqları basdırılıb. İndi bu qəbiristanlıqda təqribən 3 min Bosniya müsəlmanı dəfn edilib. Onların hamısı bir həftə içində öldürülüb.
İndiyədək Srebrenitsada qətlə yetirilən bosniyalı kişi və oğlanların 70-dən çox kütləvi məzarı aşkarlanıb. Amma qurbanların əksəriyyətinin meyiti ya tapılmayıb, ya da tanınmayıb.
Cinayətlərin əsas təşkilatçıları – Bosniya serblərinin keçmiş siyasi lideri Radovan Karaciç və general Ratko Mladiç artıq 12 ildir ki, ədalət məhkəməsindən gizlənirlər.