ABŞ dövlət katibi Mike Pompeo yanvarın 10-da deyib ki, Ukrayna prezidenti Volodymyr Zelenskiy ilə telefon söhbətində Vaşinqtonun İranda qəzaya uğramış Ukrayna təyyarəsi ilə bağlı təhqiqatda Kiyevə köməklik göstərməyə hazır olduğunu bildirib.
Ukrayna aviasiya şirkətinin Boeing 737 təyyarəsi yanvarın 8-də Tehran yaxınlığında qəzaya uğrayıb.
Pompeo bu barədə Twitter-də yazıb:
Spoke with Ukrainian President @ZelenskyyUa to express my deepest condolences for the lives lost in the tragic crash of Ukrainian International Airlines flight 752. We stand with #Ukraine and are ready to offer our support and assistance in the ongoing investigation.
— Secretary Pompeo (@SecPompeo) 10 January 2020
Zelenskiy isə yazıb ki, Ukrayna ABŞ-dan bu qəza barədə “mühüm məlumatları” artıq alıb:
Мав розмову з @SecPompeo. Вдячний за співчуття американського народу й цінну підтримку США у розслідуванні причин катастрофи. Дані, отримані від США, містять важливу інформацію, яка допоможе у розслідуванні.
— Володимир Зеленський (@ZelenskyyUa) 10 January 2020
Hələ Zelenskiy-nin Pompeo ilə telefon söhbətindən əvvəl bu barədə Ukraynanın daxili işlər naziri Vadim Pristayko yazmışdı.
O bildirirdi ki, Zelenskiy ilə birlikdə ABŞ-ın Ukraynadakı diplomatik missiyasının başçısı Christine Queen-lə görüşüb:
Разом з Президентом Володимиром Зеленським зустрілися з представниками США, зокрема із керівницею Посольства в Україні Крістіною Квін. Отримали важливі дані, які будуть опрацьовані нашими фахівцями. Очікуємо розмови @ZelenskyyUa з Держсекретарем США @SecPompeo о 15:00.
— Vadym Prystaiko (@VPrystaiko) 10 January 2020
Söhbətin hansı “mühüm məlumatlardan” getməsi bəlli deyil. Bundan əvvəl Ukrayna prezidenti bildirmişdi ki, təyyarənin İran raketi ilə vurulması versiyası istisna edilmir, amma bu iddia hələlik təsdiq olunmayıb.
O ABŞ, Kanada və Britaniyanı bu təyyarə qəzası barədə onlarda olan kəşfiyyat məlumatlarını bölüşməyə çağırmışdı.
Zelenskiy deyib ki, bu təhqiqatın nəticəsi “mübahəsiz həqiqətin” açıqlanması olmalıdır.
The footage i%27ve got from a source - the moment the missile hit the #Flight752. I can%27t verify the video yet! but please let me know if you find anything. I%27m in contact with the person who send this video to see if I can get a version of video which has a meta data on it pic.twitter.com/HtesW5uecB
— 🤖Nariman (@NarimanGharib) 9 January 2020
Bundan əvvəl Bellingcat təhqiqat qrupu bildirmişdi ki, qəza anının videogörüntüsündə hadisənin məkanını müəyyənləşdirə bilib və bu, Tehran vilayətindəki Pərənd şəhəridir.
Başqa bir təhqiqat qrupu olan Conflict Intelligence də qəza yerini eyni şəkildə müəyyənləşdirdiyini bildirib.
The New York Times qəzetinin jurnalistləri də eyni yeri aşkarlayıblar.
Amerika mediası Pentaqona, ABŞ və İraq kəşfiyyatının yüksək vəzifəli rəsmilərinə istinadən bildirir ki, Ukrayna təyyarəsi Rusiya istehsallı Tor M-1 zenit raket sistemi ilə vurulub.
CNN bildirir ki, təyyarəyə iki raket atəşi açılıb.
Sizin brauzer HTML5-i dəstəkləmir
İran raket versiyasını “böyük yalan” adlandırır
İran Ukrayna təyyarəsinin vurulması iddiasını qətiyyətlə rədd edir.
Rəsmi Tehran bildirir ki, təyyarənin raketlə vurulmasına dair iddia “psixoloji müharibədə yaxşı düşünülmüş addımdır”.
İran hakimiyyət orqanları bildiriblər ki, təyyarə qəzasının təhqiqatına Boeing şirkəti, habelə Kanada da daxil araşdırmada maraqlı olan ölkələr dəvət olunub.
Tehran bu təhqiqata hətta ABŞ-ın Nəqliyyatda Təhlükəsizlik Agentliyinin də dəvət olunğunu deyir.
Xəbər verilir ki, ABŞ bu dəvəti qəbul edib.
Ukrayna təhqiqatçıları artıq İrandadırlar. Bununla belə İran təyyarənin qara qutularını müstəqil olaraq araşdıracağını bildirib.
Ukrayna Beynəlxalq Hava Yollarının müntəzəm PS 52 Tehran-Kiyev reysi ilə uçan təyyarəsi yanvarın 8-də Tehran hava limanından qalxdıqdan az sonra qəzaya uğrayıb. Təyyarədəki 176 nəfərin hamısı həlak olub.
Həlak olanların əksəriyyəti İran və Kanada vətəndaşlarıdır. Ölənlərin arasında Ukrayna, İsveç, Britaniya, Almaniya və Əfqanıstan vətənsdaşları da var.
Ukrayna aviaşirkəti bildirir ki, təyyarə 2016-cı ildə istismara verilmişdi və texniki baxımdan saz idi.