ABŞ-ın maliyyə naziri Canet Yellen və onun kanadalı və Avropa İttifaqından olan həmkarları aprelin 20-də Rusiyanın Ukraynaya qarşı təcavüzünə etiraz olaraq G20 qrupunun iclasını nümayişkəranə şəkildə tərk ediblər.
Britaniya, Fransa və Kanada rəsmiləri Dünya Bankı və Beynəlxaql Valyuta Fondunun Vaşinqtonda keçirilən yaz görüşü zamanı G20 qrupunun virtual iclasını tərk ediblər.
Yellen iştirakçılara bildirib ki, o bu görüşdə Rusiyanın vəzifəli rəsmilərinin iştirakına qarşıdır.
ABŞ-ın maliyyə naziri xəbərdarlıq etmişdi ki, bu iclaslarda Rusiya rəsmilərinin iştirak edəcəkləri təqdirdə, o və onun qlobal həmkarları tədbiri tərk edəcəklər.
AFP agentliyi bildirir ki, Ukraynanın maliyyə naziri Serhiy Marçenko da onlara qoşularaq iclası tərk edib.
Britaniyanın maliyyə naziri Rişi Sunak deyib ki, o, Yellen və Kanada baş nazirinin müavini Kristiya Friland iclası Rusiya nümayəndəsinin çıxışı başlayan kimi tərk ediblər.
Sunak bu barədə özünün Twitter hesabından yazıb:
"Biz Rusiyanın Ukraynaya qarşı müharibəsini pisləməkdə həmrəyik və beynəlxalq koordinasiya ilə Rusiyanın cəzalandırılmasını davam etdirəcəyik”.
Earlier my representatives, along with US & Canadian counterparts left today’s G20 meeting in Washington as Russian delegates spoke. We are united in our condemnation of Russia’s war against Ukraine and will push for stronger international coordination to punish Russia. https://t.co/XxmscvRrRt
— Rishi Sunak (@RishiSunak) April 20, 2022
Friland da bu barədə tvit paylaşıb:
"Dünya demokratiyaları Rusiyanın təcavüzünə və müharibə cinayətlərinə sakitcə baxmayacaqlar. Bugün Kanada və onun demokratik partnyorları Rusiyanın iştirakına görə G20 qrupunun plenar iclasını tərk ediblər”.
The world’s democracies will not stand idly by in the face of continued Russian aggression and war crimes. Today Canada and a number of our democratic partners walked out of the G20 plenary when Russia sought to intervene. pic.twitter.com/J67gU810sO
— Chrystia Freeland (@cafreeland) April 20, 2022
Bu, Vladimir Putinin Ukraynaya təcavüzə əmr verməsindən bəri G20 maliyyə nazirləri və mərkəzi bank rəhbərlərinin ilk iclası idi.
Bu il İndoneziyanın sədrlik etdiyi G20 qrupuna Birləşmiş Ştatlar, Hindistan, Çin, Braziliya, Yaponiya, bir neçə Avropa ölkəsi, habelə Rusiya daxildir.