İranın təhlükəsizlik qüvvələri ölkə boyunca yayılan etirazları yatırmağa çalışır.
Etirazlar ötən ay gənc qadın Məhsa Əmininin hicab qaydasını pozduğuna görə polisə aparılmasından və orada vəfat etməsindən sonra başlanıb.
Oktyabrın 13-də etirazçılar İranın müxtəlif şəhərlərində yenidən küçələrə çıxıblar.
İranın Kürdüstan regionunda polis və etirazçılar arasında toqquşmalarda bir neçə nəfərin öldüyü xəbər verilir.
Buna da bax: Partiyanın keçmiş sədr əvəzi: 'Fransada Quranı yandıranda bizə dedilər, aktiv olun'Kürd əhalinin hüquqlarını müdafiə edən Henqav təşkilatı beynəlxalq təşkilat nümayəndələrinin sözü gedən regionlara gəlişinə imkan verilməsini tələb edib.
İranım qərbindəki kürd regionlarını monitorinq edən Kürdüstan İnsan Haqları Şəbəkəsi oktyabrın 13-də Sənəndaj və Kirmanşah şəhərlərində üç etirazçının öldürüldüyünü xəbər verir:
“Müxtəlif şəhərlərdə azı 48 etirazçı xəsarət alıb və onlardan birinin vəziyyəti kritikdir”.
Sizin brauzer HTML5-i dəstəkləmir
Rəisi yenə də Qərbi ittiham edir
Oktyabrın 13-də İran prezidenti İbrahim Rəisi ölkədə baş verən etirazlara görə Birləşmiş Ştatları və onun müttəfiqlərini ittiham edib.
Ölkədə internetin demək olar söndürülməsinə baxmayaraq sosial şəbəkələrdə etirazları əks etdirən çoxsaylı videolar yayılır.
AzadlıqRadiosunun Fars xidməti - Fərdaya göndərilən videolardan birində təhlükəsizlik xəfiyyələrinin Tehranda bir etirazçını qəddarlıqla döydüyü görünür.
هشدار! این ویدئو حاوی صحنهها و صداهای دلخراش است.در ویدئویی که یکی از مخاطبین رادیو فردا فرستاده، ماموران امنیتی و لباس شخصی، در خیابان شریعتی #تهران، یک معترض جوان را مورد ضرب و جرح شدید قرار میدهند. ۲۰ مهر ۱۴۰۱. pic.twitter.com/Bljiqualn8
— RadioFarda|راديو فردا (@RadioFarda_) October 12, 2022
Başqa bir videoda isə Elam şəhərində polis qüvvələrinin etirazçılara hücum etdiyi görünür.
از نگاه شما - ویدئویی که چهارشنبه ۲۰ مهرماه، به دست رادیوفردا رسیده تعقیب و گریز نیروهای انتظامی و معترضان را در #ایلام نشان میدهد. #اعتراض_سراسری در ایران امروز وارد بیست و هفتمین روز خود شد. #مهسا_امینی pic.twitter.com/HopO0e8JRc
— RadioFarda|راديو فردا (@RadioFarda_) October 12, 2022
Bu arada artıq bir neçə gündür ki, İranın neft regionlarında neftçilərin tətillərinin davam etdiyi barədə xəbərlər gəlir.
İran İşçilərinin Azad İttifaqı oktyabrın 12-də Asaluye neft-kimya zavodlarında 30-dək fəhlənin etirazlarda iştiraka görə həbs olunduqlarını xəbər verib.