Amerika astronavtı Skott Kelli Rusiyanın “Kosmosun fəthində xidmətlərinə görə” dövlət medalını geri qaytardığını bildirib.
Rusiyanın Soyuz kosmik gəmisi də daxil kosmosa 4 uçuş etmiş astronavt deyib ki, bu addımı Rusiyanın Ukraynaya müdaxiləsinə etiraz olaraq atır.
Господин Медведев, я возвращаю Вам российскую медаль “За заслуги в освоении космоса», которую вы мне вручили. Пожалуйста, отдайте его русской матери, чей сын погиб в этой несправедливой войне. Я отправлю медаль по почте в посольство России в Вашингтоне. Удачи. https://t.co/n8jMTX34pW pic.twitter.com/qpI1YNKps3
— Scott Kelly (@StationCDRKelly) March 9, 2022
O həmin medalı 2011-ci ildə ona vermiş ovaxtkı prezident Dmitri Medvedevə Twitter-də yazdığı postda mükafatı “oğlu bu ədalətsiz müharibədə həlak olmuş rus anasına” verməyi xahiş edir:
"Mən medalı poçtla Rusiyanın Vaşinqtondakı səfirliyinə göndərirəm”.
2015-2016-cı illərdə Beynəlxalq Kosmik Stansiyada rusiyalı kosmonavtlarla birlikdə orbitdə 340 gün keçirmiş ilk amerikalı olan Kelli Ukrayna müharibəsini sosial şəbəkələrdə, həm də bəzən rus dilində fəal müzakirə edir.
Bir neçə gün əvvəl Kelli Roskosmosun rəhbəri Dmitri Roqozinlə polemikaya girmiş, onun “üzərində bir neçə başqa bayraqlar olmadan da Rusiyanın kosmik raketinin daha gözəl görünəcəyinə” dair postuna şərh yazmışdı:
"Dimon, bu bayraqlarsız və onların qazandırdığı xarici valyutasız sənin kosmik proqramın bir çürük qoza da dəyməyəcək. Bəlkə də sən özünə McDonalds-da iş taparsan...Əgər Rusiyada McDonalds hələ qalırsa...”
Roqozin bu şərhə təhqiqarmiz sözlərlə cavab vermişdi.
Димон, без этих флагов и иностранной валюты, которую они приносят, твоя космическая программа выеденного яйца не будет стоить. Может, найдёшь себе работу в Макдональдсе, если Макдональдс ещё существует в России. https://t.co/lZt3kd1LKa
— Scott Kelly (@StationCDRKelly) March 6, 2022
McDonalds şirkəti martın 8-də Rusiyadakı bütün restoranlarını bağladığını elan edib.