Boris Conson baş nazir vəzifəsindən istefa çıxışında deyib ki, Britaniya Ukraynanın azadlıq mübarizəsinə ehtiyac olduğu qədər dəstək verəcək.
O habelə deyib ki, Ukraynaya hərbi, siyasi, humanitar dəstək onun baş nazirliyinin ən böyük nailiyyətlərindən biri olub.
O lap bu yaxınlarda Kiyevə səfər etmiş, bu həftənin əvvəllərində Ukrayna prezidenti Volodimir Zelenski ilə görüşmüşdü.
The Independent yazır ki, Conson baş nazir kimi son çıxışında deyib:
“Qoy bunu indi deyim ki, Ukrayna xalqı bilsin: Biz burada Birləşmiş Krallıqda sizin azadlıq uğrunda mübarizənizi nə qədər lazımdırsa o qədər dəstəkləyəcəyik”.
Conson deyib ki, o, Britaniyanın Ukraynaya Qərbin dəstəyini səfərbər etməsi ilə qürur duyur.
Boris Consonun istefa xəbərindən dərhal sonra Ukrayna siyasətçiləri keçmiş baş nazirə dərin təşəkkür ifadə ediblər.
To be a leader – to call 🇷🇺 evil a evil and to take responsibility in the hardest times. To be a leader – to be the first to arrive in Kyiv, despite missile attacks. Thanks @BorisJohnson for realizing the threat of RF monster and always being at the forefront of supporting 🇺🇦. pic.twitter.com/vIuXVjUbzG
— Михайло Подоляк (@Podolyak_M) July 7, 2022
Britaniya fevralın 24-də Rusiyanın Ukraynaya səbəbsiz və haqsız hücumunun ilk günündən bu ölkəyə silah-sursat və hərbi təlimlərlə böyük dəstək verib.
Ukrayna prezidentinin baş müşaviri Mixaylo Podolyak Twitter-də yazır ki, “cənab Conson həmişə Ukraynaya dəstəyin ön xəttində olub” və Rusiya ilə müharibənin nə qədər ciddi məsələ olduğunu “mərd-mərdanə” açıq bəyan edib:
“Silahlar, partnyorluq, koalisiya. Çox sağ olun, cənab Conson, biz bilirik ki, qələbə Ukraynanın gələcəyinin rəmzidir. Biz qalib gələcəyik, çünki bütün sivilizasiyalı dünya tamamilə Ukraynanın tərəfindədir”.
Dear @BorisJohnson! Ukraine is infinitely grateful to you for everything you have done for us. You will forever remain in our history and will be involved in the future victory. Thank you.
— Oleksiy Goncharenko (@GoncharenkoUa) July 7, 2022
Ukraynanın millət vəkillərindən Oleksi Qonçarenko da Consona təşəkkürünü bildirib:
“Ukrayna bizim üçün etdiyiniz hər şeyə görə sizə sonsuz minnətdardır. Siz əbədi olaraq bizim tariximizdə qalacaq və gələcək qələbəmizdə iştirak edəcəksiniz. Çox sağ olun!”
Boris Johnson, Sir, you are a true friend of Ukraine. We are very grateful for your strong position in supporting Ukraine. We wish you strength and you are always welcome in our country. pic.twitter.com/u83wjBIKe6
— Anton Gerashchenko (@Gerashchenko_en) July 7, 2022
Ukrayna XİN-in sözçüsü Anton Geraşşenko da ürək sözlərini bildirib:
“Biz Ukraynanın dəstəklənməsində tutduğunuz güclü mövqeyə görə sizə minnətdarıq. Biz sizə qüvvət arzu edirik. İstədiyiniz vaxt ölkəmizin qonağı ola bilərsiniz”.