Bu görüntülər ötən gecə Türkiyədə çəkilib- [fotolar]
![Bu görüntülər Türkiyədə çəkilib- [fotolar]](https://d28q523j81rgt8.cloudfront.net/85aa1c82-6f39-4e80-bbd1-77a000003cfc_w250_r1_s.jpg)
Bu görüntülər Türkiyədə çəkilib- [fotolar]
AZAL-ın Türkiyə uçuşları ələ bərpa edilməyib
Azərbaycandan Türkiyəyə aviareyslərin yerinə yetirilməsi hələ ki, bərpa olunmayıb.
Bu gün səhər İstanbul və Ankaraya nəzərdə tutulan reyslər ləğv edilib. «Report» bu xəbəri «Azərbaycan Hava Yolları»na istinadən yayıb.
Xəbərdə deyilir ki, bu gün səhər saatlarına olan üç reys ləğv edilib: «Onlardan ikisi İstanbula, biri isə Ankaraya aviareys yerinə yetirməli idi. Hər hansı yenilik olduğu təqdirdə ictimaiyyətə məlumat veriləcək».
Xatırladaq ki, hazırda Türkiyədə hərbi çevrilişə cəhdlə əlaqədar Atatürk hava limanında uçuşlar dayandırılıb.
Saxlanılanların sayı 1500-ü keçdi
Türkiyədə 1563 hərbi çevriliş tərəfdarı saxlanılıb. Bu haqda ölkə rəsmilərinə istinadən «Reuters» xəbər verir.
Bundan əvvəl Türkiyədə 16 çevriliş təşkilatçısının öldürüldüyü, 750 adamın saxlanıldığı bildirilirdi.
Neftin qiyməti qalxır
Türkiyədə hərbi çevriliş cəhdindən sonra neftin qiyməti qalxıb.
«Brent» neftinin barreli 1.01 faiz bahalanaraq 48.09 dollara bərabərləşib. ABŞ Qərbi Texas nefti isə 0.72 faiz qalxaraq, barreli 46.28 dollara bərabər olub.
«Reuters» agentliyi qeyd edir ki, Türkiyə böyük neft istehsalçısı olmasa da, buradan neft kəmərləri keçir. Yaxın Şərqdə sabitsizlik yarananda isə, neft, adətən, bahalanır.
«Again Capital» şirkətinin təsisçisi John Kilduff də CNBC-yə deyib ki, neftin bahalanması sırf Türkiyədə baş verənlərlə bağlıdır.